_KESHA LA ASUBUHI *JUMATATU, JULAI 14 2025*

KONDOO WALIOPOTEA NI MZIGO WA PEKEE


 *Ni nani kwenu, mwenye kondoo mia, akipotewa na mmojawapo, asiyewaacha wale tisini na kenda nyikani, aende akamtafute yule aliyepotea hata amwone*? 

_Luka 15:4_


▶️ *Ni kazi muhimu sana kushughulika na akili za wanadamu. Mwanadamu ni mali ya Mungu, na malaika wanaangalia kwa shauku kubwa ili kuona namna ambavyo mwanadamu atashughulika na wanadamu wenzake.*


▶️ Viumbe wa mbinguni wanapoona wale ambao wanadai kuwa wana na binti za Mungu wakifanya jitihada kama za Kristo ili kusaidia wakosaji, wakiwaonesha roho ya upole na huruma waliotubu na walioanguka, malaika wanawakaribia, na kuwakumbusha maneno yale ambayo yatatuliza na kuinua nafsi. Malaika watakatifu wanatufuatilia kila mmoja wetu. Hatupaswi kuwadharau watu wa Mungu walio wadogo zaidi, tusitafute heshima kwa yeyote kwa ajili yetu. Malaika ni roho zihudumuzo zilizotumwa kuwahudumia wale ambao watakuwa warithi wa wokovu. Je! tutapata fadhila ya kushirikiana na wenye hekima wa mbinguni? Je! Mungu atatukubali kuwa wabeba nuru kwa ulimwengu?


▶️ *Yesu Kristo amechukua nafasi ya yule aliyekuja kutafuta na kuokoa kile kilichokuwa kimepotea, na ameuinua ulimwengu kiasi kwamba alikufa ili kuuokoa, ili kumrudisha kondoo mmoja aliyepotea zizini.* Yesu ametoa uhai wake wa thamani, uangalizi wake binafsi, kwa watoto wa Mungu walio wadogo zaidi; na malaika walio hodari hufanya kituo wakiwazungukia wote wamchao Mungu. Kwa hiyo tuwe waangalifu, na kamwe tusiruhusu wazo moja hafifu kushughulisha akili kuhusu mmoja wa watoto wa Mungu walio wadogo. Tunapaswa kuwaangalia waliokosea kwa kutaka kuwasaidia, na kusema maneno yenye kuwatia moyo walioanguka, na kuogopa isije ikawa kwa matendo yasiyo na busara tukawaondolea mbali na Mwokozi mwenye huruma.


▶️ *Wale wanaompenda Yesu watawapenda wale ambao Yesu aliwafia. Ikiwa wengi wa wenye dhambi walio karibu nasi wangepokea nuru ambayo imetubariki sisi, wangefurahia ukweli, na kuwa mbele ya wengi ambao wamekuwa na uzoefu wa muda mrefu na faida kubwa. Wachukueni kondoo hawa waliopotea kuwa mzigo wenu maalum, na mzitunze roho kama wale ambao wanalazimika kutoa hesabu. Usijimakinikie mwenyewe, bali upaze sauti kwa shauku kuu na ya dhati, "Tazama Mwana-Kondoo wa Mungu aichukuaye dhambi ya ulimwengu." Huu ni ujumbe wa Mkristo kwa ulimwengu. Hii ndiyo hoja yenye nguvu. Uhimize moyo wako kuweka juhudi za dhati ili kuzishawishi roho zinazoangamia kukaza macho yao kwake Yeye aliyeinuliwa juu ya msalaba; na ukumbuke kwamba unapofanya hivi, malaika wasioonekana wanaweka ushawishi moyoni, na kuiongoza nafsi kumwamini Yesu. Mwenye dhambi anawezeshwa kumwona Yesu kama alivyo - ni mwingi wa upole, huruma na upendo na anasema, "Na unyenyekevu wako umenikuza*" _(Zaburi 18:35) (The Review and Herald, Juni 30, 1896)_.


*MWENYEZI MUNGU ATUBARIKI TUNAPOTAFAKARI NENO LAKE*

Comments

Post a Comment

Popular posts from this blog

KESHA LA ASUBUHI JULAI 16/017/2025

  Kondoo wa Kweli Wanamsikia Mchungaji wa Kweli                                         Julai 16 "Na kondoo wengine ninao, ambao si wa zizi hili; na hao nao imenipasa kuwaleta; na sauti yangu wataisikia; kisha kutakuwako kundi moja na mchungaji mmoja. " — Yohana 10:16 Kweli unapaswa kuwasilishwa kwa hekima, upole na wema wa Mungu. Unapaswa kutoka kwenye moyo ambao umelainishwa na kufanywa kuwa mwenye huruma... Hebu maneno yetu yawe ya upole tunapotafuta kuongoa roho. Mungu atakuwa hekima kwake yeye atafutaye hekima kutoka kwenye chanzo cha mbinguni. Tunapaswa kutafuta fursa kila upande, tukikesha na kuomba, na kuwa tayari wakati wote ili kutoa sababu ya tumaini lililo ndani yetu, kwa upole na kicho. Tusije tukaivutia isivyofaa nafsi moja ambayo Yesu alifia; tunapaswa kudumisha mioyo yetu katika uadilifu kwa Mungu, ili fursa inapojitokeza, tupate maneno sahihi ya kusema kw...
Read more

KESHA LA ASUBUHI 15/07/2025 Kumpata Kondoo Aliyepotea

 KESHA LA ASUBUHI JULAI 15- 2025 Kumpata Kondoo Aliyepotea " Naye akimwona, amini nawaambia, humfurahia huyo zaidi kuliko wale tisini na tisa wasiopotea." — Mathayo 18:13 Yesu angependa kuhimiza thamani ya nafsi ya mwanadamu juu ya mioyo na akili za wanafunzi Wake. Anadai ushirikiano kwa shauku ya wafuasi Wake katika kuwaokoa wenye dhambi waliopotea. Kuna kondoo mmoja alipotea, idadi ndogo sana katika hesabu; na bado Yesu anamwakilisha mchungaji kuwa aachaye wale tisini na tisa, na kwenda milimani kutafuta yule mmoja aliyepotea. Sasa ni kwa nini basi wana na binti za Mungu wamebweteka, hawajali roho ambazo zinapotea karibu yao? Ni kwa nini washiriki wa kanisa wako tayari sana kuacha mzigo wote kuwa juu ya mabega ya mchungaji? Ni kosa kubwa jinsi gani, ikiwa kila raia wa neema anapaswa kuwa na sehemu ya kufanya katika kuokoa wale waliopotea. Yesu amempatia kila mtu kazi yake, na juhudi binafsi lazima ziwekwe ili kuokoa wanaopotea. Mtendakazi lazima awe na maombi mengi y...
Read more

KESHA LA ASUBUHI JULAI 18/07/2025 Tu Wachungaji Wasaidizi

  Tu Wachungaji Wasaidizi Julai 18 “Jihadharini na manabii wa uongo, watu wanaowajia wamevaa mavazi ya kondoo, walakini kwa ndani ni mbwa-mwitu wakali.” — Mathayo 7:15 Kadiri unavyomtazama Yesu na upendo Wake usio na kifani kwa juujuu, ndivyo unavyoshindwa kubadilishwa ili kufanana Naye. Utajiona bora machoni pako mwenyewe, na hivyo kuwa na kujiamini na kuridhika na jinsi ulivyo. Ufahamu sahihi wa Yesu, kumtazama daima kama Mwanzilishi na Mkamilishaji wa imani yetu, hutupatia mtazamo wa kweli wa tabia ya Mkristo kiasi kwamba huwezi kushindwa kufanya makadirio sahihi ya maisha na tabia yako tofauti na zile za Mfano wetu mkuu. Kukamilishwa kwa ajili ya kazi yako ni shughuli ya maisha ya kila siku — kazi ngumu, mapambano ya karibu na mazoea ya kibinadamu, mielekeo ya kurithi. Inahitaji juhudi ya mara kwa mara, ya dhati na ya uangalifu ili kuitazama na kuidhibiti nafsi, kumweka Yesu kuwa mashuhuri na ubinafsi kutoonekana. Ni muhimu kuchunguza eneo dhaifu katika tabia yako, ku...
Read more